منحتين لطالب واحد
حابب احكي تجربتي باختصار عن التقديم والقبول بمنحتين دراسيتين
لدراسة الماستر أولاً ثم الدكتوراه (حالياً بمراحلها الأخيرة)
وكمان رح حاول جاوب على أكبر قدر من أسئلتكم إن شاء الله.
تخرجت عام 2012 من كلية الهندسة الكهربائية والإلكترونية بجامعة حلب،
هندسة الإلكترونيات الطبية وكنت بفضل الله الأول على دفعتي.
عملت كمعيد بالكلية ودرّست عدة أقسام خلال فترة عامين تقريباً.
بدأت أبحث بشكل جدي عن المنح الدراسية بوقت متأخر نوعاً ما نتيجة انشغالي بالتدريس.
قدمت على منحة بالبداية لدراسة الماستر بدولة عربية ولكن ما انقبلت..
بعدها بفترة بسيطة انتشرت كتير أخبار عن منحة خاصة للسوريين بألمانيا من منظمة DAAD الألمانية الغنية عن التعريف
كان اسم المنحة Leadership for Syria
فعلاً قدمت على المنحة وكان عدد المتقدمين كبير كتير
(في ناس حكوا عن أربعين وخمسين ألف أبليكيشن) بس الأكيد إنو العدد يفوق 5000 متقدم بناءً على معلومات وصلتنا من إدارة المنحة فيما بعد.
تم القبول المبدئي بفضل الله وعملنا Interviews ببيروت وبعدها بفترة وصل القبول النهائي وسافرت بشهر 8 من سنة 2015 بفيزا دراسية.
طبعاً كانت منحة كاملة وكانت أكيد الفرصة اللي غيرت حياتي بفضل الله أولا ثم التعب والإصرار.
درست الماستر بجامعة Martin Luther وعملت رسالة الماستر بجامعة Leipzig.
بعد رسالة الماستر الدكتورة المشرفة على مشروعي عرضت علي متابعة مسار البحث العلمي اللي بدأته بالماستر معها
وفعلاً قدمت على منحة تانية منفصلة كمان من DAAD وقُبلت فيها بفضل الله بسنة 2018.
استغليت الفرصة ما بين المنحتين للحصول على شهادة B2+ Beruflich من telc وبعدين استفدت من المنحة بنشر 7 أبحاث علمية بمجالات متعددة متعلقة طبعاً بالهندسة الطبية والكيمياء الحيوية.
وبالتعاون بين مجموعتنا البحثية ومجموعات تانية من الولايات المتحدة الأمريكية وهولندا وإسبانيا بشكل أساسي.
المتوقع يوصل عدد الأبحاث المنشورة ل 10 أبحاث خلال هي السنة منها 3 موجود فيها ك first author
طبعاً الدراسة كانت باللغة الإنجليزية طول الوقت من تحضير ومناقشة وكتابة وما إلى ذلك.
لما قدمت كنت عم حضر لفحص مقدرة اللغة الإنجليزية TOEFL
وكنت على أساس قدمه بلبنان.
بس بعدين حصلت على قبول المنحة وقبول جامعي بدونه
فنصحني صديق إني ما قدمه حتى ما تنتهي صلاحية الشهادة (السنتين) خلال دراسة الماستر وما استفاد منها
طبعاً إدارة المنحة قيّمت المقدرة اللغوية من خلال الأبلكيشن والمقابلة اللي كانت مع لجنة مؤلفة من مختصين (غالبيتهم ألمان)
وكل حدا منهم سألني بموضوع مختلف منها مواضيع أكاديمية
وأسئلة عن سيرتي الذاتية ومعلوماتي عن ألمانيا وشغلات تانية.
انتهت قصة الطالب
للعودة غلى الصفحة الرئيسية:
